Daily Archives: 17 Մարտի, 2022

Մեր զգայարանները

Դու  արդեն գիտես, որ մեզ ղեկավարում  է մեր գլխուղեղը։ Բայց այն ինչպե՞ս պիտի ճիշտ  «հրամաններ»  տա, չէ՞ որ շատ վատ կլինի, եթե այն սխալվի։  Ճիշտ  «հրամաններ» տալու համար շատ կարևոր են մեր հինգ զգայարանների տված տեղեկությունները։ Մաշկը շոշափելիքի զգայարանն է, որի միջոցով  մենք տարբերում ենք տաքն ու սառը, կոշտն ու փափուկը, սուրը, կլորը, հարթն ու անհարթը։ Ճաշակելիքի   (համի) oրգանը լեզուն է․ այն զգում է աղին ու թթուն, կծուն ու քաղցրը։  Մեր  հոտառության օրգանը՝ քիթը, տարբերում է շրջապատի բազմաթիվ հոտերն ու բույրերը։ Տեսողության օրգանը մեր աչքերն են։ Ձայները մեր ուղեղին են հասնում լսողական օրգանների՝ ականջների օգնությամբ։ Առանց այդ զգայարանների  մարդն ինչպե՞ս կապրեր։