1. Ի՞նչ մասնագիտություն ուներ կատուն Հ. Թումանյանի «Շունն ու կատուն» ստեղծագործության մեջ։ «Ժամանակով Կատուն ճոն էր,Շունն էլ գըլխին գըդակ չուներ,Միայն, գիտեմ ոչ` որդիանց որդի, Ճանկել էր մի գառան մորթի․․․»։
Այս ստեղծագործության մեջ կատուն մասնագիտությամբ դերձակ էր:
2․ Ո՞ր կենդանուն կարող ենք հանդիպել և՛ գազանանոցում, և՛ շախմատի տախտակին։
Կարող ենք հանդիպել փղին:
3. Խատուտիկն ասում է, որ իր անունը շատ հեշտ կարելի է ստանալ ,,խաղալիք, գիտունիկ, բոկոտիկ,, բառերից։ Իսկ նույն ձևով ի՞նչ բառ կստանանք ,,կարկաչյուն, ականջօղ, սուրհանդակ,, բառերից։
Կարկանդակ
4․Գուշակի՛ր։ Ո՛չ տեսնում են, ո՛չ հասկանում, Ո՛չ ուզում են, ո՛չ ստանում, Ցերեկն ամբողջ ման են գալիս, Գիշերն ամբողջ՝ հանգստանում։
Կոշիկ
5.Ասացվածքները խառնվել են, փորձի՛ր առանձնացնել։ Անճարը ասեմ ով ես դու։ Ասա ով է ընկերդ, կերել է բանջարը։
Անճար կերել է բանջարը: Ասա ով է ընկերդ, ասեմ ով ես դու:
6.,,Ծամ և հույս,, բառերն ունեն մի ընդհանուր ծանոթ, որն այդ բառերից մեկի «ընկերն» է և կազմված է մյուսի բոլոր տառերից: Ո՞ր բառն է ընդհանուր ծանոթը։
Հյուս
7. Տրված բառերի աջից կամ ձախից հանի՛ր մեկ տառ և ստացի՛ր նոր բառեր․ Նվարդ, կուժ, անուշ, որդի, աշուն։
Վարդ, ուժ, նուշ, որդ, շուն:
8․«Չարաճճի» բառերի տառերը խառնվել են, դասավորի՛ր այնպես, որ կարդաս բառը։ Տիզակ, ղմուե, ճճնա, ջմուրյն, ռթիեթ։
Զատիկ, մեղու, ճանճ, մրջույն, թիթեռ:
9.Երկու ասիկները խառնվել են, ճիշտ դասավորի՛ր։ Զատկե Զատիկ է, Զատիկն առանց նավակատիկ է, չամչե հատիկ է, ձվի չի լինի։
Զատկե զատիկ է, նավակատիկ է, չամչե հատիկ է:
Զատիկն առանց ձվի չի լինում:
Զատիկն առանց ձվի չի լինում:
10․ Արի՛ միասին գեղեցիկ պատմություն հորինենք: Սկսեմ ես, շարունակի՛ր դու։ Զատկին հանդիպեցին երկու ձու, մեկը փախել էր հավանոցից, իսկ մյուսը՝ սեղանից ․․․
Զատկին հանդիպեցին երկու ձու, մեկը փախել էր հավանոցից, իսկ մյուսը՝ սեղանից: Երբ նրանք տեսան իրար, սկսեցին զննել միմյանց: Սեղանի ձուն վառ կարմիր էր, գեղեցիկ զարդարված: Իսկ հավանոցի ձուն մի քիչ կեղտոտվել էր հավանոցում: Նա նայեց սեղանի ձվին և մտածեց. «Երնեկ այս գեղեցկուհուն: Ես էլ կցանկանայի նրա պես մաքուր ու գեղեցիկ լինել»: Իսկ սեղանի ձվիկը մտածեց. «Երնեկ այս թվիկին, ազատ է, անկախ, ոչ ոք նրան չի կոտրելու և ուտի»: Նրանք որոշեցին միանալ, լվացվել, մաքրվել ու գլորվել կանաչի վրա ու վայելել կյանքը: Եվ այդպես էլ արեցին:
